نعـى الصحافي رامي نعيم زميله في قناة الـmtv بول سمعان، الذي يعمل كطّباخ في القناة والذي تـوفي صباح اليوم في مستشفى تنورين.
وكتب نعيم في منشور له عبر موقع “فايسبوك”: الله يرحمك يا بول. ما في حدا بالـ Mtv ما بحبّك. ولا مرة شفتك ما عم تضحك ولا مرة حقدت ع حدا ولا مرة إذيت حدا. قدرك إنك بوطن منهـوب وحاكمتو مافيا الزعـران.
وحظك جبرك تفوت ع مستشفى تنورين الحكومي يلّي هيي دكانة مش مستشفى.
من الجمعة ما في حكيم قلب تركوك بلا Echo لليوم، وقلبك ما تحمّل وخسرناك.
كلنا زعلانين مش لأنك مِـتت المـوت حق وكلنا بالدور رح نمـوت بس شب بعمرك كان بس ناقصو ت يعيش Echo لقلبو.
كيف طاوعن ضميرن يتركوك ٣ ايام عم تموت ع مهلك؟ الله يرحمك وصلّيلنا من فوق ونحنا رح نضل نذكرك”.
