كتب إيلي مكرزل في موقع JNews Lebanon
دردشتنا اليوم رح تكون مع مدرسة بالتمثيل، بالاخلاق وبكل شي بتقدمو. الكل أجمع على محبتا والكل بينطرا بدور جديد حتى نشوف شو بعد بدا تقدم. على الرغم من كل سنين الخبرة قدرة رندة كعدي تحافظ على مسيرة ناجحة جداً بالتمثيل.
- رندة كعدي كيف التحضيرات للموت ٣؟
تحضيرات للموت ٣ متل تحضيرات أيّا عمل فنّي، جديّة، إحتراف و كلّ الحبّ
- بدي ارجع معك شوي للماضي، شو يلي إختلف برندة بين مسلسل من أحلى بيوت راس بيروت وللموت ٣؟
الخبرة و الإلتزام بِرافقو الإنسان للوصول للنجاح بأيّ نوع شغل …والفنّان تحت الضو بساعدو على الإستمراريّة …فمن أحلى بيوت للموت ٣ قصّة إلتزام وحبّ.
- الاستمرارية صعبة خاصةً بمجال التمثيل، وعلى الرغم من كل هالسنوات إسمك بعدو وبقوة على الساحة شو سر هالاستمرارية؟
سرّ الإستمراريّة خاصةً بالتمثيل هو الصدق بتجسيد الشخصيّة وإعطاء كلّ دور هويته وكيانه ..لما نوقع بالنمطيّة بآداء الأدوار .
- لعبتي أدوار كتير ومختلفة مع عدد كبير من النجوم والممثلين مين الممثل أو الممثلة يلي بتحب رندة إنو تعيد التجرية معو؟
لعبة التمثيل متل أيّا لعبة رياضيّة لازم نعرف أصول اللّعبة و نعطي الشوطة الهادفة ..فمعظم الممثلين محترفين بأُصول اللّعبة ولكلّ واحد موقعه لبدافع عنّه
- الساحة التمثلية عم تشهد خلافات كبيرة بين النجمات شو تعليقك عالموضوع وشو نصيحتك إلن؟
الحياة سلسلة مترابطة بالفعل و ردة الفعل ..
فالإشباع والإستقرار العاطفي بيعطي توازن إنفعالي ..
لذلك نتيجة الأوضاع الغير مستقرّة بحياتنا والنكبات المتلاحقة من إنفجار ٤ آب ، للوضع الإقتصادي إلخ … بِساهم بردة فعل على الصعيد الإجتماعي و بتولد النزاعات !..
- رح عددلك اسماء وبدي تجاوبيني بكلمة أو جملة صغيرة عن كل إسم
(نادين جابر، ماغي بو غصن، فيليب اسمر، نادين نجيم، نادين الراسي، سيرين عبد النور، دانييلا رحمة، ريان حركة، كارول عبود)
كلّ الأسماء الواردة بسؤالك عندن بقلبي مساحة حلوة.
مني أنا شخصيا ومن موقع Jnews Lebanon كل الحب وناطرينك بمسلسل للموت٣ وبكل أعمالك المقبلة.
