أشعلت الفنانة المصرية شيرين عبد الوهاب مواقع النواصل الاجتماعي بتصريحات جديدة بخصوص قضية انفصالها عن زوجها الفنان حسام حبيب، وكشفت عن تفاصيل صادمة ومخيفة بخصوص علاقتها معه عبر مداخلة هاتفية في برنامج كلمة اخيرة وقالت: حسام طلب مني 10% من ارباح شغلي…انا اتجوز قرد وما رجعش ليه تاني…ومش عايزة اعرف حد اسمه حسام تاني.
واضافت: أنا أسفة للناس عشان كدبت عليكوا، و طلعت قلت ما بيخدش منى فلوس، هتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب”، مضيفة، “حبِّتُه عقربة أنا في حياتي عمري ما تأذيت بالشكل ده غير منه.. إنسان بيغتاب كل الناس، أطالب الشعب المصري والجمهور العربي، أي حد يشوف الإنسان دا يتبول عليه”.
وتابعت، “كنت بجمل صورته وكذبت كتير، أنا عاوزة أستغفر ربنا على كذبي بشأنه طيلة الفترة السابقة، وعربيتي المرسيدس كانت باسمه، واتسرقت وإحنا في الساحل الشمالي وعاوز يعملي محضر يتهمني بسرقتها.”
ووجهت الفنانة المصرية رسالة قاسية لطليقها قائلة: ”فوق يا ابني واعرف أنت بتكلم مين.. أنا من القلعة.. دا أنا أتجوز الفيل أبو زلُّومة أو القرد اللي في جنينة الحيوانات ولا أرجع له تاني”.
و أضافت :”عيالي في آخر يوم كانوا هيتضربوا بالرصاص، وكنا قاعدين في الأوضة بتاعت الاستوديو، فماسك العلبة اللي فيها رصاص وراح مديني رصاصة و بيهددني”.
