حاوره ايلي مكرزل لـJNews Lebanon
مع نجاح اولى حلقات برنامجو “من الاخر مع احمد عراجي” كان النا دردشة سريعة ومميزعة مع احمد على الرغم من انشغالو بالتحضيرات والحلقات الجديدة
– احمد عراجي مبروك انطلاق برنامجك ” من الاخر مع احمد عراجي” خبرنا عن تفاصيل البرنامج؟
شكرا ايلي, الله يبارك فيك. هي صراحة بلشت من النادي اللبناني بكندا يلي انا مؤسس هالنادي,
نحنا جمعية غير ربحية تحت الحكومة الكندية منعمل كتير Projects and Initiatives
للبنان, هيدي السنة النا تقريبا شهرين بلبنان عم منركب طاقة شمسية for free
لعيل عندن مرضى على مكنات طبية وبحاجة لكهرباء 24/24. بلشنا بزحلة, طرابلس, صور وبيروت
وعملنا Launch لل Initiative واجا كتير Positive feedbacks من قبل ال Media اللبنانية والكندية, من هون في Producer شاف ال Initiative اللي نحنا عملناها وتواصل معنا حتى نعمل
Online Show نجيب في Guest and celebrities حتى نحكي معن بطريقة سلسي ومهضومة ونضوي على هيدا ال Initiative وعلى هيدا العمل الخيري يلي عم نعملو بلبنان, حتى كل شخص حابب يساعد يساعد¸واللي حابب يكون Part من هيدا ال Initiative يقدر يكون.
– مواقع التواصل الاجتماعي عم تشهد موجة برامج واعلاميين جداد شو يلي بميز برنامجك؟
اللي بميز “من الاخر مع احمد عراجي” هو انو برنامج انساني, عم منضوي على Initiative قمنا فيا كمغتربين حابين نساعد بلدنا, بس عم منضوي عليا بطريقة مهضومة, عم منجيب الضيوف
وما عم نسألن اسئلة محرجة ما عم منحطن بمواقف بشعة, لا عم نحكي معن كأصدقاء وعم نحكي
معن بقصص general حتى العالم يتعرفو علين اكتر كاشخاص مش ك Celebrities وهيدا يلي بميز البرنامج عن غير برامج موجودة عالهوا.
View this post on Instagram
– الانطلاقة كانت مع الممثلة القديرة ليليان نمري والاعلامية ديانا فاخوري, والاصداء كانت جدا ايجابية. شو اللي خلا الضيفتين يطلو معك بالبرنامج مع العلم انو اطلالاتن جدا قليلة؟
اول شي انا بدي اشكر ليليان نمري والاعلامية ديانا فاخوري لان وثقو فيي وطلعو بالبرنامج
وبعتقد انو السبب الاساسي هو حبن للبنان ورغبتن انو يساعدو بلدن باي طريقة ممكنة, هيدا غير انو
كان في لقاء بيناتنا مع فريق العمل وعرفو انو متل ما قلتلك قبل الهدف من البرنامج انساني
وحتى نفرجي صورة للمشاهدين ولا مرة هني طلعو فيا, وحلقاتن عنجد كسرو الدني وكانت ال feedbacks روعة روعة روعة.
View this post on Instagram
– مين بنافس احمد عراجي؟
اﺫا بدنا نحكي منافسة ايلي, بالعمل الخيري صراحة ما في منافسة كلنا ايد وحدي حتى نساعد لبنان
على قد ما منقدر, بما يتعلق بالشق الاعلامي انا هيدي اول تجربة الي بالاعلام وما بطلع باي حدا كمنافس بل بطلع عالاشخاص ك عالم بتعلم منن حتى طور حالي وحسن من حالي للمستقبل.
– شو المفاجآت يلي بتوعدنا فيا بالايام اللي جايي؟
انا وال executive producer ماجد بو سعيد وال content producer مودي بو سعيد و الين ابو زيد
عم منحضر لحلقات ومفاجات مع ضيوف رح تشوفون لاول مرة بهيدي الحلة ولاول مرة رح ينسأالو اسئلة ويجاوبو عليا بطرق كتير سلسة ومهضومة عالهوا. فا انطرو صراحة episodes كتير شيقين وضيوف كتير العالم بتحب تشوفن.
بنهاية حديثنا كل التوفيق الك احمد وانشالله من نجاج لنجاج واكيد ناطرين حلقات برنامجك بفارغ الصبر .
